Á árinu 2022 lauk Fiskistofa meðferð 27 brottkastsmála með ákvörðun um viðurlög, þar af átján áminningar og níu veiðileyfissviptingar, að því er fram kemur í tilkynningu á vef Fiskistofu.

Þar segir að að tvö skip hafi verið svipt veiðileyfi í atvinnuskyni í viku og fimm skip hafi verið svipt leyfi í tvær vikur. Brot tveggja skipa mat Fiskistofa meiriháttar og var eitt þeirra svipt veiðileyfi í fjórar vikur og hitt í átta vikur, en bæði málin voru kærð til lögreglu.

Frétt af mbl.is

Sviptur leyfi í átta vikur vegna brottkasts

„Í öllum tilvikum höfðu veiðieftirlitsmenn Fiskistofu eftirlit með veiðum skipanna með drónum. Brotamálum vegna brottkasts hefur fjölgað mjög eftir að drónar voru teknir í notkun hjá Fiskistofu árið 2021,“ segir í tilkynningunni.

Þá er vakin athygli á því að ákvarðanir um sviptingu veiðileyfa séu birtar á vef stofnunarinnar til að stuðla að gagnsæi í störfum stofnunarinnar og tryggja fyrirsjáanleika fyrir þá sem starfa í greininni. Auk þess er birtingin sögð vera til þess fallin að auka varnaðaráhrif ákvarðana Fiskistofu.

Frétt af mbl.is

Fiskistofa hefur eftirlit með dróna

Tengdar fréttir

Eftirlit með veiðum

„Ég mun ekki sætta mig við einhverja áminningu“

• Leyfissvipting stytt þrátt fyrir alvarleg brot
• Útgerðaraðili sviptur leyfi þrisvar á þremur árum
• Tilkynna drónaeftirlit í mars
• Þrír sviptir leyfi það sem af er ári

» Fleiri tengdar fréttir

• Blogga um frétt