Veiðin er vís á vertíðinni í Ólafsvík

Við sjávarsíðuna er vetrarvertíð er nú í algleymingi og mokveiði er þessa dagana hjá sjómönnum á bátum sem gerðir eru út frá höfnum í Snæfellsbæ.

„Hér er fiskur um allan sjó. Ég verð væntan­lega með tvö tonn af þorski eftir daginn í dag, en á sunnudag náði ég þremur tonnum. Hér hefur verið ágætt veður að undanförnu en núna er aðeins að kólna og hvessa,“ sagði Klemens Sigurðsson sjómaður, Siggi á Bakka SH 228, þegar rætt var við hann síðdegis í gær.

Alfons Finnsson, fréttaritari Morgunblaðsins í Ólafsvík, hefur eftir sjómönnum að aflabrögðin séu góð og í rauninni „algjört rugl“. Margir bátar eru á sjó; sumir fiska við Rif, Hellissand og Öndverðarnes en aðrir úti á Breiðafirði. sbs@mbl.is