Í næstu viku mun 31. fundur Norður-Atlanshafssjávarspendýraráðið (NAMMCO) fara fram á Grand hóteli í Reykjavík. „Á fundinum verður fjallað um þær áskoranir og tækifæri sem standa frammi fyrir verndun og stjórnun sjávarspendýra á Norður-Atlantshafssvæðinu, í dag og í framtíðinni,“ segir í fréttatilkynningu frá ráðinu.

Þá verður við upphaf fundarins haldin sérstök málstofa þar sem fjallað verður um dýravelferðarsjónarmið í tengslum við veiði sjávarspendýra sem og lagaramma slíkra veiða.

NAMMCO eru alþjóðasamtök stofnuð af Íslandi, Noregi, Færeyjum og Grænlandi árið 1992 vegna óánægju með nálgun Alþjóðahvalveiðiráðsins (IWC) til stjórnun nýtingar á sjávarspendýrum. Telur NAMMCO að ákvarðanir varðandi hvalveiðar eiga að byggjast á vísindalegri nálgun sem taki tillit til bæði margbreytileika og viðkvæmni vistkerfis sjávar og réttinda og þarfa strandsamfélaga til að lifa sjálfbært af því sem hafið getur veitt.

Kristján Loftsson (t.v.) og Jóhann Guðmundsson á fundi Alþjóða hvalveiðiráðsins (IWC) í Slóveníu árið 2016. Íslendingar sem og aðrar þjóðir hafa gagnrýnt aðferðir IWC. AFP

Gögn forsenda nýtingar

Á fundinum verða einnig umræður um verkefnin MINTAG og NASS-2024. MINTAG-verkefnið hófst árið 2023 og snýr að því að þróa og setja upp langtíma gervihnattamerki sem miða á ákveðnar hvalategundir (þ.e. langreyðar, hrefnur og grindhval) til að safna mikilvægum upplýsingum um hreyfingar þeirra og stofnuppbyggingu.

NASS-2024 er mæling og framhald af 30 ára röð mælinga á Norður-Atlantshafshvölum sem snýr að því að safna yfirgripsmikil gögn um fjölda og þróun hvala á Norður-Atlantshafssvæðinu. Slíkar upplýsingar eru sagðar forsenda sjálfbærrar nýtingar hvalastofna og er í fréttatilkynningunni sérstakelga vakin athuygli á mikilvægi þess í ljósi örra umhverfisbreytinga.

Fundinn munu sitja fulltrúar frá aðildarríkjum Færeyja, Grænlands, Íslands og Noregs auk áheyrnarfulltrúa frá Kanada, Danmörku, Japan og Bandaríkjunum. Að auki, fulltrúar frá Makivvik Corporation frá Québec og nokkrum alþjóðastofnunum, þar á meðal IWC, Norðaustur-Atlantshafsfiskveiðiráðið (NEAFC) og náttúruverndarsamtökin IWMC.

Tengdar fréttir

Hvalveiðar

Veiting hvalveiðileyfis ekki brot á EES-samningi

• Gefur ekkert upp um leyfi til hvalveiða
• Telur tvískinnung í umræðu um hvalveiðar
• Bíður eftir gögnum áður en hún tekur ákvörðun
• „Tíminn er runninn út fyrir Kristján Loftsson“

» Fleiri tengdar fréttir

• Blogga um frétt