Nýr Audi Q7 frumsýndur hjá Heklu

Hinn nýi Audi Q7 3.0 TDI kostar frá 11.890.000 krónum.
Hinn nýi Audi Q7 3.0 TDI kostar frá 11.890.000 krónum.

Nýr og tilkomumikill Audi Q7 lúxusbíll verður frumsýndur í Audi-sal Heklu næstkomandi laugardag, 5. september, frá 12 á hádegi til klukkan 16.

„Nýr Audi Q7 er gott dæmi um fagmennsku Audi í hönnun, gæðum og tækni og því er ánægjulegt að vera kominn með bílinn loks í salinn.  Í gegnum tíðina hefur Q7 reynst viðskiptavinum okkar vel og á bíllinn marga dygga aðdáendur. Einstakir aksturseiginleikar, nýtt upplýsingakerfi og framúrstefnulegt aðstoðarkerfi ökumanns er meðal margs sem má nefna í þessum nýja bíl.  Aðstoðarkerfið leggur bílnum í meðal annars í bílastæði, bakkar með kerru og keyrir bílinn í umferðaröngþveiti. Enginn annar fjöldaframleiddur bíll bíður upp á fleiri aðstoðarkerfi,“ segir Jóhann Ingi Magnússon, sölustjóri Audi, í tilkynningu vegna frumsýningarinnar.

Bíllinn er hlaðinn tækninýjungum og kemur meðal annars með svo kölluðu „Audi virtual“ mælaborði og nýju „MMI“ kerfi sem inniheldur íslenskt leiðsögukerfi sem stýrt er með snertiborði í miðjustokk. Hann er einn af fyrstu bílunum sem bjóða upp á tengimöguleika við Google Android Auto og Apple CarPlay.

Nýr Q7 er búinn fullkomnu quattro fjórhjóladrifi. Hann er sterkur og stæðilegur lúxusjeppi en jafnframt snarpur og sparneytinn þar sem hann er 325 kílóum léttari og 26% eyðslugrennri en fyrirrennarinn. Útfærsla á vélum Audi Q7 er til fyrirmyndar fyrir aðra fjórhjóladrifna jeppa. Dísilvélin 3.0 TDI er 272 hestöfl og bensínvélin 3.0 TFSI 333 hestöfl sem skila nýjum Audi Q7 frá 0-100 km/klst á 6,1 sekúndu (TFSI) og 6,3 sekúndum (TDI). Nýr Audi Q7 með dísilvél eyðir um 26% minna en fyrirrennarinn og eyðir aðeins 5,7 lítra af eldsneyti á hundraði í blönduðum akstri. Co2 útblástur vélarinnar er 149 g/km. sem er það lægsta sem þekkist í flokki lúxusjeppa.

Verð á nýjum Audi Q7 3.0 TDI er frá 11.890.000 krónum.

Nýr Audi Q7 er búinn fullkomnu quattro fjórhjóladrifi.
Nýr Audi Q7 er búinn fullkomnu quattro fjórhjóladrifi.
Nýi Q7-jeppinn er 325 kílóum léttari og 26% eyðslugrennri en …
Nýi Q7-jeppinn er 325 kílóum léttari og 26% eyðslugrennri en fyrirrennarinn.
Audi Q7 er hlaðinn tækninýjungum og kemur meðal annars með …
Audi Q7 er hlaðinn tækninýjungum og kemur meðal annars með svo kölluðu „Audi virtual“ mælaborði.
Nýr Audi Q7 er gott dæmi um fagmennsku Audi í …
Nýr Audi Q7 er gott dæmi um fagmennsku Audi í hönnun, gæðum og tækni.
mbl.is