Nýjum Tiguan vel tekið

Það iðaði allt af lífi í sýningarsal Volkswagen síðastliðinn laugardag þegar nýr Tiguan var frumsýndur. Höfuðstöðvar Volkswagen á Íslandi við Laugaveg voru skreyttar hátt og lágt til heiðurs nýjustu stjörnunnar í flotanum.

„Við fundum fyrir mjög miklum áhuga á nýjum Tiguan áður en við frumsýndum hann og ákveðið var að frumsýna hann á sama tíma í Reykjavík, á Akranesi, Akureyri, Reykjanesbæ og á Selfossi,“ segir Árni Þorsteinsson, sölustjóri Volkswagen í tilkynningu.

„Það var mikil ánægja með bílinn hjá frumsýningargestum sem voru spenntir að reynsluaka honum. Frumsýningin lukkaðist afar vel  og myndaðist einkar góð stemning hér á laugardaginn,“ segir Árni.

Hinn nýi Tiguan er mikið uppfærður, útlitið er sportlegt og bíllinn er hlaðinn fjölda tækninýjunga ásamt ríkulegum staðalbúnaði. Þökk sé torfærueiginleikum bílsins er hann jafn öruggur í borgarakstri sem og á vegum úti. Nýr Tiguan er hannaður með hámarksöryggi að leiðarljósi og hann hlaut nýverið fimm stjörnur í árekstrar- og öryggisprófunum hjá Euro NCAP.

Meðfylgjandi myndir voru teknar á frumsýningunni hjá Heklu: