Magni fékk misjafna dóma frá Supernova

Magni Ásgeirsson söng lagið Heroes eftir David Bowie í fjórða þætti Rock Star Supernova í nótt. Rokkararnir í hljómsveitinni Supernova voru ekki sérlega ánægðir með flutninginn. Tommy Lee sagði að sér hefði ekki líkað að Magni lék á gítar á meðan hann söng og Jason Newsted sagði að Magni hefði ekki sungið til áhorfenda.

Magni svaraði hins vegar að bragði: „Ég var að syngja til fólks sem er hinu megin á hnettinum. Ég mun syngja til allra hinna síðar."

Úrslitin í atkvæðagreiðslu áhorfenda verða kunngerð í kvöld og þá kemur einnig í ljós hver verður sendur heim. Þátturinn hefst á SkjáEinum klukkan 24.

• 1 blogg um fréttina

Bloggað um fréttina

• Pálína Erna Ásgeirsdóttir: Mig grunar að Supernova fíli Magna mjög vel því að...