Hljómsveitin Sigur Rós hélt tónleika í gærkvöldi við bæinn Háls í Öxnadal og sóttu hann mörg hundruð manns. Stemningin á tónleikunum þótti góð og höfðu margir tónleikagesta tjaldað í námunda við Háls. Sigur Rós heldur útitónleika á Klambratúni í Reykjavík annað kvöld, sem hefjast kl. 20.30 og er aðgangur ókeypis. Þeir verða sýndir í beinni útsendingu í þjóðarkvikmyndahúsi Englendinga í Lundúnum, National Film Theatre.