Jeremy í vöruskiptum við Paris

Klámmyndaleikarinn Ron Jeremy segir frá því í væntanlegri ævisögu sinni, að hann hafi sýnt samkvæmisljóninu Paris Hilton kunnasta líkamspart sinn í skiptum fyrir að fá að sjá hana bera að ofan.

Jeremy segist hafa hitt þær Paris Hilton og vinkonu hennar Bijou Phillips í samkvæmi í Los Angeles fyrir þremur árum og þær hafi sárbænt hann um að sýna sér það sem hann er frægastur fyrir. Þessu segir frá í bókinni Ron Jeremy: The Hardest (Working) Man in Showbiz , sem kemur út í næstu viku.

Jeremy segir að eftir samningaviðræður hafi þær stöllur fylgt honum inn á kvennasalerni og þar hafi þessi skipti farið fram. Jeremy segist hafa þagað yfir þessu þar til Hilton fór að segja frá fundum þeirra og stæra sig af uppátækinu.

Ron Jeremy kom hingað til lands fyrir nokkrum árum til að kynna sjálfsævisögulega kvikmynd um sig, Porn Star: The Legend of Ron Jeremy.

• 1 blogg um fréttina

Bloggað um fréttina

• Sverrir Þorleifsson: Sexy Ron, topp maður