Bretar illa að sér í kynlífsfræðum
Setja bókamerki
Einn af hverjum þremur Bretum trúir því að konur geti komið í veg fyrir þungun með því að hoppa ítrekað, þvo sér eða pissa eftir samfarir. Þetta kemur fram í könnun bresku samtakanna Family Planning Association, FPA, í tilefni af vakningarátaki um getnaðarvarnir þar í landi.
Könnunin leiddi í ljós ýmsar ranghugmyndir um getnaðarvarnir. Framkvæmdastjóri FPA, Anne Weyman, segir kynferðislegt myndefni og skilaboð dynja á nútímamanninum. Því sé nauðsynlegt að veita fólki upplýsingar um þetta þar sem ein af hverjum fimm þunguðum konum í Bretlandi fari í fóstureyðingu.
Könnunin leiddi í ljós að um helmingur þeirra 500 manna sem tóku þátt vissi ekki að konan væri frjóust 10-16 dögum fyrir blæðingar. 89% vissu ekki að sæðisfrumur gætu lifað í allt að viku í líkama konunnar. Reuters segir frá þessu.
Konur álitnar annars flokks borgarar
Sýklalyfjaónæmi vaxandi vandamál
„Staðan er grafalvarleg“
Quang Le: „Ég gerði ekkert rangt“
Einróma stuðningur við virkjanir
„Verða bara eins og „zombíar““