D-salurinn er framtíðarverkefni safnsins og vinna listamenn sem þar sýna ný verk fyrir salinn. Í lok hvers árs verður sýningum D-salarins svo fylgt úr hlaði með útgáfu sýningarskrár.

Í verki Geirþrúðar, Hinn firrti áhorfandi, driplar starfsmaður safnsins körfubolta taktfast undir óviðfelldnu, skerandi ljósi sem blikkar stöðugt, eins og segir í lýsingu frá safninu. Verkið fjalli um körfubolta og „fráhvarf hans frá veruleikanum eins og við þekkjum hann við undirleik ljóðrænnar og tilvistarfræðilegrar firringar Air og Spacemen 3.“