Veröld/Fólk | 1 Fólk - fréttir | mbl | 11.4.2007 | 7:54

Hús Johnny Cash brann til grunna

Húsið stóð skyndilega í björtu báli. AP

Hús í Tennessee í Bandaríkjunum, sem áður var í eigu söngvarans Johnny Cash, brann til kaldra kola í gær en unnið var að endurbótum á húsinu eftir að Barry Gibb, söngvari Bee Gees, keypti það. Um tugur manns var í húsinu við vinnu sína en þeir komust allir heilu og höldnu út.

Cash og June Carter, kona hans, bjuggu í húsinu í 35 ár en þau létust bæði árið 2003. Húsið sést m.a. í myndbandi við lagið Hurt þar sem Cash, sem þá var dauðvona, gerði upp við líf sitt.

Erfingjar Cash-hjónanna seldu Gibb húsið á síðasta ári en hann áformaði að nota það sem sumarleyfisstað og búa þar meðan á fellibyljatímabilinu stendur en Gibb er annars búsettur á Miami.

Veröld/Fólk, 1 Fólk - fréttir — Fleiri fréttir

Bæði jómfrú og trúlofuð

Noemi Letizia með mynd af ítalska forsætisráðherranum.

12.5.2009 Noemi Letizia, 18 ára gömul stúlka, sem komst í heimsfréttirnar fyrir skömmu þegar Silvio Berlusconi, forsætisráðherra Ítalíu, mætti í afmælið hennar, segist í viðhafnarviðtali í ítalska vikublaðinu Chi, bæði vera hrein mey og trúlofuð. Meira

Texti í tímans straumi

12.5.2009 Skáldsagan Rokland, eftir Hallgrím Helgason, er nú komin út á sænsku í þýðingu John Swedenmark. Gagnrýnandi blaðsins Dagens Nyheder fjallar um bókina í dag og fer um hana lofsamlegum orðum. Hann segir jafnframt, að bókin Draumalandið, eftir Andra Snæ Magnason, komi upp í hugann við lestur Roklands: báðar hafi bækurnar komið út í miðju íslenska góðærinu og hafi hvor með sínum hætti spáð fyrir um atburði síðasta hausts. Meira

Peter Gabriel fær Polarverðlaunin

12.5.2009 Tilkynnt var í morgun, að tónlistarmennirnir Peter Gabriel og José Antonio Abreu hljóti sænsku Polarverðlaunin í ár. Um er að ræða tónlistarverðlaun, sem Stikkan Andersson stofnaði til árið 1989. Meira

Trekkarar troðfylltu bíóhúsin

Leikararnir Chris Pine og Zachary Quinto í hlutverkum sínum í nýju Star Trek myndinni.

12.5.2009 Ævintýramyndin Star Trek var langmest sótta myndin í íslenskum kvikmyndahúsum um helgina og jafnframt sú tekjuhæsta. Rétt tæplega 5.000 manns skelltu sér á myndina sem skilaði rúmum 4,5 milljónum í kassann. Meira

Meira

Augnablik - sæki gögn...

Morgunblaðið