Fótbolti eykur frjósemi í Þýskalandi

Í Þýskalandi hefur orðið vart við svolítinn kipp í barnsfæðingum undanfarin mánuð og telja fréttaskýrendur ljóst að ástæðan fyrir því sé fótbolti. Sænskur blaðamaður hefur komist að því að á fæðingardeild Vivantes sjúkrahúsinu í Berlín hafi fæðst 11% fleiri börn í mars en á sama tíma í fyrra.

Samkvæmt frétt í Dagens Nyheter eru liðnir níu mánuðir frá því að Þýskaland vann Svíþjóð í sextán liða undanúrslitum 2-0 og gleðin sem því fylgdi veitti mörgum þýskum pörum barnalán.

Að sögn Rolf Kliche á fæðingardeildinni í Kassel er þetta ekkert ólíklegt. Hann segir að glatt fólk sé líklegra til að verða ólétt.

Sænski blaðamaðurinn rannsakaði reyndar ekki hvort færri börn hafi að sama skapi fæðst í Svíþjóð.

• 3 blogg um fréttina

Bloggað um fréttina

• Lárus Vilhjálmsson: Ófrjósöm vísindi
• Magnús Þór Jónsson: Kemur ekki á óvart!
• Tómas Þóroddsson: Bolti, bjór og tjellingar