Michael Douglas aftur í hlutverk Gordon Gekko

„Peningar sofa aldrei“ á að verða titillinn á framhaldi myndarinnar Wall Street, er gerð var 1987, sem nú er í undirbúningi, og mun Michael Douglas aftur leika hlutverk fjármálamógúlsins Gordon Gekko, að því er framleiðandi myndarinnar, Edward R. Pressman, sem einnig framleiddi Wall Street, tjáir The New York Times.

„Græðgi er góð,“ er ein af þekktustu setningum kvikmyndasögunnar, en hana mælti Douglas í hlutverki Gekkos í Wall Street. Í einræðu er hann hélt í myndinni sagði hann m.a. að peningar sofi aldrei, og þaðan er titill nýju myndarinnar fenginn.

Gekko varð ímynd græðgi og yfirgangs stórfyrirtækja á níunda áratugnum, og í lok Wall Street fór hann í fangelsi, en Pressman vildi ekki segja frá söguþræði nýju myndarinnar.

Það var Oliver Stone sem leikstýrði Wall Street, en The New York Times segir hann hafa afþakkað boð um að leikstýra nýju myndinni.

• 3 blogg um fréttina

Bloggað um fréttina

• Stefán Friðrik Stefánsson: Gordon Gekko snýr aftur tveim áratugum síðar
• Ómar Ingi: Framhaldsmyndir
• Sóldís Fjóla Karlsdóttir: Wall Street...!!!