Veröld/Fólk | 1 Fólk - fréttir | mbl | 10.5.2007 | 11:02 | Uppfært 11:25

Norah Jones með tónleika í Laugardalshöll í september

Norah Jones. Reuters

Bandaríska tónlistarkonan Norah Jones heldur tónleika í Laugardalshöll að kvöldi sunnudagsins 2. september en Jones er um þessar mundir að fylgja eftir þriðju breiðskífu sinni, Not too late, sem kom út í janúar. Það er FL Group sem gerir tónleika Noruh Jones mögulega og stendur fyrir tónleikunum í samvinnu við Hr. Örlyg.

Norah Jones, sem er dóttir indverska tónlistarmanns Ravi Shankar, mun koma fram með hljómsveit sinni, The Handsome Band. Fyrsta plata hennar, Come away with me, vakti heimsathygli þegar hún kom út árið 2003. Fyrir hana fékk Norah Jones fimm Grammy verðlaun, en síðan hefur hún hlotið þrenn til viðbótar.

Nánari upplýsingar um miðasölu verða gefnar á næstunni, að sögn Hr. Örlygs.

Veröld/Fólk, 1 Fólk - fréttir — Fleiri fréttir

Bæði jómfrú og trúlofuð

Noemi Letizia með mynd af ítalska forsætisráðherranum.

12.5.2009 Noemi Letizia, 18 ára gömul stúlka, sem komst í heimsfréttirnar fyrir skömmu þegar Silvio Berlusconi, forsætisráðherra Ítalíu, mætti í afmælið hennar, segist í viðhafnarviðtali í ítalska vikublaðinu Chi, bæði vera hrein mey og trúlofuð. Meira

Texti í tímans straumi

12.5.2009 Skáldsagan Rokland, eftir Hallgrím Helgason, er nú komin út á sænsku í þýðingu John Swedenmark. Gagnrýnandi blaðsins Dagens Nyheder fjallar um bókina í dag og fer um hana lofsamlegum orðum. Hann segir jafnframt, að bókin Draumalandið, eftir Andra Snæ Magnason, komi upp í hugann við lestur Roklands: báðar hafi bækurnar komið út í miðju íslenska góðærinu og hafi hvor með sínum hætti spáð fyrir um atburði síðasta hausts. Meira

Peter Gabriel fær Polarverðlaunin

12.5.2009 Tilkynnt var í morgun, að tónlistarmennirnir Peter Gabriel og José Antonio Abreu hljóti sænsku Polarverðlaunin í ár. Um er að ræða tónlistarverðlaun, sem Stikkan Andersson stofnaði til árið 1989. Meira

Trekkarar troðfylltu bíóhúsin

Leikararnir Chris Pine og Zachary Quinto í hlutverkum sínum í nýju Star Trek myndinni.

12.5.2009 Ævintýramyndin Star Trek var langmest sótta myndin í íslenskum kvikmyndahúsum um helgina og jafnframt sú tekjuhæsta. Rétt tæplega 5.000 manns skelltu sér á myndina sem skilaði rúmum 4,5 milljónum í kassann. Meira

Meira

Augnablik - sæki gögn...

Morgunblaðið