Orlando Bloom er að byggja sér umhverfisvænt hús úti í sveit því að hann hefur ekki efni á að kaupa eign í London. „Ég reyndi að fá keypt einhverstaðar í London en hafði ekki efni á því. Það eru ekki leikararnir sem græða, það eru verðbréfastrákarnir,“ sagði hann í viðtali við Daily Express.
Húsbyggingin hefur þó tekið lengir tíma og kostað meira en Bloom hafði reiknað með. Hann er einarður umhverfissinni og fór nýlega til Suðurskautslandsins á vegum samtakanna Global Green til að kynna sér gróðurhúsaáhrifin.
„Ég svaf í herbergi á stærð við strætóskýli og deildi salerni og baðherbergi með 27 öðrum strákum. Þetta var súrrealískasta reynsla sem ég hef nokkurn tíma orðið fyrir,“ sagði Bloom um ferðina.