Paula Abdul segist hafa fundið tilgang sinn í American Idol

Hin 44 ára gamla söngkona, Paula Abdul, segist loks hafa fundið tilgang sinn í lífinu eftir að hún tók við starfi sem dómari í söngvakeppninni American Idol. Segist hún hafa vitað síðan hún var lítil stúlka að tilgangur hennar væri að ná því besta fram í fólki og hvetja það til velgengni.

„Að vera dómari í American Idol er mun mikilvægara en að hafa unnið Grammy verðlaun og selt milljónir platna.” Þetta kemur fram í viðtali við Abdul í nýjasta tölublaði glanstímaritsins OK!

Abdul er með taugasjúkdóm sem veldur miklum kvölum, en hún lenti í áreksti árið 1987 og meiddist í nauðlendingu flugvélar snemma á tíunda áratugnum. Hún segist vera á lyfjum vegna verkjanna og gangist reglulega undir nudd og nálastungumeðferðir, og að ekkert sé hæft í hegðun hennar í þáttunum sé furðuleg.

„Ef ég lít út fyrir að vera útvinda þá er það vegna þess að ég er það, ég sef oft lítið vegna verkja”, segir Abdul. „Ég hef aldrei orðið drukkin, ég tek ekki eiturlyf, og ásakanir þess eðlis eru ekkert annað en ærumeiðingar.”

• 2 blogg um fréttina

Bloggað um fréttina

• Gísli Foster Hjartarson: Að finna tilgang sinn í þessu jarðlífi
• Kjartan Vídó: Hver er tilgangurinn?