Svíar greiða bloggurum laun

Sænska fríblaðið Metro hefur ákveðið að greiða bloggurunum á vefsíðunni sinni fyrir vel unnin störf. Bloggarar fá greitt sem samsvarar 26 íslenskum aurum fyrir hverja heimsókn á bloggsíðuna þeirra og því gætu vinsælir bloggarar þénað ágætis aukapening. Vinsælir bloggarar á mbl.is eins og Ellý Ármannsdóttir sem hafa að jafnaði fengið um 10 þúsund heimsóknir á síðuna sína á degi hverjum gætu því þénað um 78 þúsund á mánuði (fyrir skatt).

Íslenskir miðlar sem bjóða upp á blogg eru enn ekki farnir að greiða fyrir þessa þjónustu en það mun hafa komist til tals og hver veit nema að þetta sé þróunin.

Hjá Metro eru reglurnar þannig að til að komast á launaskrá hjá þeim þarf bloggari að fá í það minnsta fimm þúsund heimsóknir fyrsta mánuðinn. Síðan fær hann sent sérstak greiðslukort sem hann getur notað til að taka út launin.

Í reglunum er tekið fram að þær heimsóknir á bloggsíður sem eru framkallaðar með sérstökum forritum eru þurrkaðar út. Nánar verður fjallað um þetta í Morgunblaðinu í fyrramálið.

• 3 blogg um fréttina

Bloggað um fréttina

• Guðsteinn Haukur Barkarson: Já takk !!
• Baldur Kristjánsson: Fyrir okkur smáfuglana....
• TómasHa: Ekkert óeðlilegt