Kærur lagðar fram vegna sölu nýju Harry Potter bókarinnar
Setja bókamerki
Bandaríska útgáfufélagið Scholastic hefur stefnt netsölufyrirtækinu DeepDiscount.com og dreifingafyrirtækinu Levy Entertainment fyrir rof á samningi um sölu síðustu Harry Potter bókarinnar en í útgáfusamningum er strangt bann lagt við sölu bókanna fyrr en á föstudagskvöld. Þetta kemur fram á fréttavef BBC.
Í yfirlýsingum frá Scholastic og Levy Entertainment segir hins vegar að mjög fá eintök af bókinni hafi verið send út. Þá eru þeir kaupendur sem fengið hafa bókina senda fyrir mistök beðnir um að opna hana ekki fyrr en á föstudagskvöld.
Myndir af blaðsíðum bókarinnar hafa einnig verið falboðnar á netinu og voru þær m.a. boðnar upp á uppboðsvefnum eBay fyrir um 250 Bandaríkjadali. Ýmsum sögum fer þó af því hvort þær útgáfur sem birst hafa á netinu séu ekta. Útgáfurnar og sögulokin í netsögunum mun vera mismunandi, svo ómögulegt er að segja hver sé sú rétta.
Björninn sagður nálægt byggð
Gerðu umfangsmiklar loftárásir á Líbanon
Finnar og Svíar taka ekki á móti særðum frá Gasa
Tveir í haldi grunaðir um mansal og smygl á fólki
Davíð Viðarsson var skyndihugdetta
Of margir nemendur og ákall um hæft starfsfólk
Óvenjuleg tilkynning: 19 í gæsluvarðhaldi