Allt Fóstbræðrasafnið á DVD

„Fóstbræður eru svolítið eins og Monty Python. Við gerðum þættina á sínum tíma með því hugarfari að við værum að skapa klassík," segir Jón Gnarr, en nú hefur verið ákveðið að gefa út sjónvarpsþættina Fóstbræður á DVD.

Hægt verður að kaupa allt safnið eða staka diska, en allur ágóði rennur til Umhyggju, styrktarfélags langveikra barna.

„Ég vil óska þjóðinni til hamingju og vona að þetta eigi eftir að seljast í bílförmum, þannig að Umhyggja njóti góðs af."

„Þetta er búið að vera vandamál í mörg ár vegna þess að þegar þættirnir voru gerðir á sínum tíma, þá var ekki samið neitt sérstaklega um DVD," segir Jón.

„DVD var á þeim tíma talið einhver bóla sem ekki myndi ná neinni fótfestu. Það var einungis samið um myndbandaútgáfu."

Atriði úr Fóstbræðrum hafa skotið upp kollinum á myndbandavefsíðunni Youtube og eru gríðarlega vinsæl. Þá hafa milli 2-3.000 manns skráð sig á undirskriftalista sem berst fyrir útgáfunni á Netinu. Katrín Atladóttir stendur fyrir listanum á vefsíðu sinni, katrin.is.

Nánar í Blaðinu

• 1 blogg um fréttina

Bloggað um fréttina

• Linda Pé: Loksins !! Legg inn pöntun !!