Helgi fær ekki að vera með útvarpsþátt
Setja bókamerki
Útvarpsstöðin RVKFM 101,5 segir, að Helgi Seljan, sem er einn af umsjónarmönnum Kastljóss Sjónvarpsins, fái ekki að vera með útvarpsþátt á útvarpsstöðinni eins og fyrirhugað hafði verið. Fyrsti þátturinn átti að vera 21. október.
Í tilkynningu, sem Franz Gunnarsson, framkvæmdastjóri RVKFM 101,5 skrifar undir, segir að náðst hafi samkomulag um að Helgi Seljan yrði með útvarpsþáttinn og Þórhallur Gunnarsson, ritstjóri Kastljóssins, hafi gefið Helga leyfi fyrir þessu.
Þau tíðindi hafi nú borist, að Helgi hafi verið boðaður á skyndifund hjá RÚV og honum tilkynnt að hann mætti ekki vera með umræddan útvarpsþátt.
„RVKFM 101.5 vill því hér með koma því á framfæri að stöðin harmi þessa skyndilegu ákvörðun yfirmanna RÚV. Þessi breyting er algjörlega úr okkar höndum og við vonum að stjórnendur RÚV endurskoði afstöðu sína og að fyrri ákvörðun Þórhalls Gunnarssonar taki gildi," segir í tilkynningu Franz.
Braut gegn konum í Eyjum
Vantar fólk: „Þetta er gaman en það er ekki nóg“
Lögregla hafi hvatt til afturköllunar kæru
Haustbragur í maí: Snjókoma fyrir norðan
Kærir teiknara Vísis til siðanefndar
Tímaspursmál hvenær framleiðslu verði hætt
Fann bein og tönn úr dýrum í sprungunni