Liðsmaður hljómsveitarinnar Take That, Gary Barlow, segir að það verði ekkert pláss fyrir Robbie Williams í hljómsveitinni í framtíðinni. Í viðtali við tímaritið The Big Issue segist Barlow efast um að Williams muni taka þátt í starfi sveitarinnar framar.
Take That var ein vinsælasta hljómsveit heims á fyrri hluta tíunda áratugar síðustu aldar en hætti störfum árið 1996. Liðsmenn hljómsveitarinnar, Mark Owen, Gary Barlow, Howard Donals og Jason Orange komu aftur saman í fyrra án Williams og hefur hljómsveitin notið mikillar velgengni í kjölfar sinnar nýjustu plötu, Beautiful World.