Fegursti femínistinn valinn
Eftir Trausta Salvar Kristjánsson -
Setja bókamerki
Almannatengillinn og bloggarinn Ómar R. Valdimarsson stendur fyrir kosningu á bloggi sínu um þessar mundir þar sem netverjar geta valið sætasta femínistann. Þegar þetta er ritað hafa yfir 600 manns tekið þátt.
Katrín Anna Guðmundsdóttir hefur tekið nokkuð örugga forystu með 37,6 % atkvæða, þegar þetta er ritað. „Mér er nú eiginlega bara alveg sama," segir Katrín Anna, aðspurð um hvað henni finnist um uppátækið. „En ætli ég brosi ekki í gegnum tárin ef ég vinn," segir Katrín og hlær. „Annars hlakka ég mest til þess að fá hjálp við gerð ferilskrárinnar," bætir Katrín við og vísar til verðlaunanna frá Ómari, sem lofar verðlaunahöfunum í þremur efstu sætunum hjálp við gerð ferilskrár, svo þær komist að sem flugfreyjur eða fóstrur.
„Ef fólk hefur ekkert þarfara við tímann að gera en að skrifa svona blogg, þá er það bara þeirra mál," segir Kolbrún Halldórsdóttir alþingismaður, sem er neðst í kjörinu.
„Ég held að það hljóti nú allir að sjá, að þetta er nú bara góðlátlegt grín," segir stríðnispúkinn Ómar R. Valdimarsson. „Ég trúi ekki að þær séu svo heitar í baráttunni að þær hafi týnt öllu skopskyni."
„Greinlega allt á réttri leið“
„Höfum verk að vinna en ég er bjartsýnn“
Kjarnavopn úr greipum manna?
Segja ekkert komið fram sem sanni sök flugmannsins
Vinna hafin við gerð nýs varnargarðs
„Ég á mjög mikið inni“