Segja Ledger hafa látist af slysförum

Fjölskylda kvikmyndaleikarans Heaths Ledgers hafnar því að hann hafi framið sjálfsmorð og segir hann hafa látist af slysförum. Ledger fannst látinn í íbúð á Manhattan í gær. Lögregla sagði að svefnpillur hefðu fundist rétt hjá rúminu sem hann lá í, en engar augljósar vísbendingar verið um sjálfsvíg.

Fjöldi fréttamanna hópaðist að heimili fjölskyldunnar í Perth í Ástralíu, heimabæ Ledgers, þar sem talsmaður fjölskyldunnar las yfirlýsingu. Fjöldi nafntogaðra Ástrala, þ.á m. Kevin Rudd forsætisráðherra og leikkonurnar Nicole Kidman og Cate Blanchett, hafa minnst Ledgers hlýlega.

Húsið í Soho á Manhattan þar sem Ledger fannst látinn. AP

• 2 blogg um fréttina

Bloggað um fréttina

• Friðrik B: Slys ?
• Stefán Friðrik Stefánsson: Sviplegt fráfall ungstjörnu - sögusagnir um Ledger