Clinton skyld Jolie og Obama skyldur Pitt
Setja bókamerki
Ættfræðileg rannsókn hefur leitt í ljós að forsetaframbjóðendinn Hillary Clinton sé skyld Angelinu Jolie og mótframbjóðandi hennar, Barack Obama, sé skyldur Brad Pitt, að því er fram kemur á fréttavef Reuters.
The New England Historic Geneological Society gaf út rannsókn þar sem rakin voru ættfræðileg tengsl forsetaframbjóðendanna þriggja og í ljós kom að frægir einstaklingar tengjast þeim öllum, látnir og lifandi.
Að minnsta kosti eru sex fyrrum forsetar fjarskyld ættmenni Obama; George W. Bush og faðir hans, Gerald R. Ford, Lyndon B. Johnson, Harry S. Truman og James Madison. Önnur fræg skyldmenni eru Sir Winston Churchill og Brad Pitt, sem skyldur er Obama í níunda ættlið í gegnum Edwin Hickman sem lést í Virginíu árið 1769.
Hillary Clinton er skyld Angelinu Jolie, kærustu Pitts, en tengsl milli þeirra eru rakin til Jean Cusson frá Quebec sem lést árið 1718. Hjá Clinton eru einnig rakin tengsl til frægra fransk-kanadískra einstaklinga, þ.á.m. Madonna, Celine Dion og Alanis Morisette. Einnig er að finna tengsl til rithöfundarins Jack Kerouac og Camillu Parker-Bowles, eiginkonu Karls Bretaprins.
Forsetaframbjóðandi Repúblikanaflokksins, John McCain, er skyldur Lauru Bush í sjötta ættlið en erfiðara reyndist hjá honum að rekja ættartengsl, að sögn Christopher Child ættfræðings.
Hafa ekki lokið geðmati á föðurnum
Bráðalæknar nú á vakt Neyðarlínu
„Það getur enginn lifað á 100 þúsund krónum“
Bíll lögreglumannsins brenndur að sænskri pöntun
Einmanaleiki og aftenging
Meiri tengsl við erlenda glæpahópa
Þurftu að fá textana samþykkta fyrir brottför