Gerði að gamni sínu við björgunarmenn

Bandaríski óskarsverðlaunahafinn Morgan Freeman er á sjúkrahúsi í Memphis eftir að hann meiddist alvarlega í umferðarslysi laust fyrir miðnætti í nótt. Blaðamaður sem var á vettvangi sagði að svo virtist sem bíll Freemans hefði þeyst út af hraðbraut og hafnað í skurði.

Beita þurfti klippum til að ná honum út úr flakinu, og sagði blaðamaðurinn að hann hafi verið með meðvitund og jafnvel gert að gamni sínu við björgunarmennina og vegfaranda sem tók myndir af honum á farsíma.

Freeman hlaut Óskarsverðlaunin fyrir leik sinn í myndinni Million Dollar Baby.

Slysið varð nokkra km utan við Charleston, þar sem Freeman á heimili ásamt konu sinni.

• 4 blogg um fréttina

Bloggað um fréttina

• Jóhannes Ragnarsson: Frímann leikari lítillega skrámaður eða hérumbil dauður?
• Jóhanna Magnúsar- og Völudóttir : Brandarar á ögurstundu hjá Morgan og Mumma ...
• Stefán Friðrik Stefánsson: Morgan Freeman á batavegi
• Júlíana : Ekki eðlilegt