Kynþokki Pútíns

Forsætisráðherra Rússlands, Vladimír Pútín, er margt til lista lagt, hann bjargaði sjónvarpstökuliði frá gini tígrisdýrs, hann hnyklaði vöðvana fyrir myndavélar í Síberíu og þeysist niður brekkur á skíðum.

Þetta virðist höfða til rússneskra kvenna en samt ekki nægjanlega því samkvæmt könnun sem birt var nýverið í tímaritinu Sex & the City er Pútin ekki jafn kynþokkafullur og Boris Nemtsov, fyrrum leiðtogi stjórnarandstöðunnar í Rússlandi.

Nemstov var ánægður með niðurstöðu kosningarinnar en segist ekki taka hana alvarlega. Það gerist ekki oft að Pútín verði undir í kosningu líkt og í þessu tilviki er lesendur völdu þá tuttugu rússnesku stjórnmálamenn sem geisluðu af kynþokka.