Guðmundur Andri: Kann ekkert að skrifa bækur

Ég kann í rauninni ekkert að skrifa bækur," segir Guðmundur Andri Thorsson í viðtali við Kolbrúnu Bergþórsdóttur í Lesbók Morgunblaðsins á morgun." Auðvitað eru til vissar formúlur en aðrir eru miklu betri í þeim en ég og þess vegna þarf ég að finna upp skáldsöguformið í hverri nýrri bók."

Guðmundur Andri er spurður út í tengsl hans við föður sinn, Thor Vilhjálmsson. „Samband okkar hefur alltaf verið mjög náið og í sambandi við skrifin hef ég aldrei fengið neitt nema hvatningu, eiginlega alveg yfirgengilega, og fullkomið krítíkleysi frá honum, eins og vera ber þegar foreldrar eru annars vegar.

Stundum hef ég líka bent á að ég er ekki eingetinn. Ég held að mamma hafi jafnvel haft meiri áhrif á það hvernig ég skrifa. Hún skrifar mjög skemmtilegan, snarpan og hvassan stíl sem ég held ég hafi tekið mér að einhverju leyti til fyrirmyndar," segir Guðmundur Andri en móðir hans er Margrét Indriðadóttir fyrrverandi fréttastjóri á fréttastofu Ríkisútvarpsins.

• 3 blogg um fréttina

Bloggað um fréttina

• Anna Dóra Gunnarsdóttir: Ég kann þetta ekki heldur
• Bergur Thorberg: Ég kann heldur ekki að mála
• Frikkinn: Illseljanlegir feðgar