Byggði fjall úr byggingakrönum

Íslenska efnahagsundrið breyttist skyndilega í haust í efnahagshrunið og fór það væntanlega ekki fram hjá neinum. Útskriftarnemar við Listaháskóla Íslands fóru ekki varhluta af breyttu landslagi í íslensku efnahagslífi og sést það í verkum sem sýnd eru á útskriftarsýningu Listaháskóla Íslands. Byggingakranar fá nýtt hlutverk og verða að fjalli í verki Unu Baldvinsdóttur sem er að útskrifast úr myndlistardeild LHÍ en hún veltir fyrir sér hvort þetta sé ný ásýnd höfuðborgarsvæðisins.

María Markovic, nemi í vöruhönnun, reynir með öllum sínum þunga að fá að komast í heimsókn en hún hefur hannað dyrabjöllu sem nefnist „Maríubjallan."

Útskriftarsýning Listaháskóla Íslands opnar á Kjarvalsstöðum á morgun klukkan 14 og er aðgangur ókeypis. Alls sýna 22 útskriftarnemar í myndlistardeild og 47 útskriftarnemar í hönnunar- og arkitektúrdeild skólans  verk sín á sýningunni. Sýningin stendur yfir til 3. maí.

Nánar verður fjallað um sýninguna í Morgunblaðinu á morgun.

• 1 blogg um fréttina

Bloggað um fréttina

• Jakob Falur Kristinsson: Byggingakranar