Fékk tvær milljónir í verðlaun

Hrafna Hanna Elísa Herbertsdóttir.
Hrafna Hanna Elísa Herbertsdóttir. mbl.is/Eggert

Hrafna Hanna Elísa Herbertsdóttir, 21 árs frá Djúpavogi, vann Idol-Stjörnuleit í kvöld. Úrslitin voru sýnd beint á Stöð 2. Hátt í 70 þúsund atkvæði bárust frá áhorfendum og fékk Hrafna 60% þeirra en hún keppti við Önnu Hlín Sekulic, 24 ára frá Reykjavík. 

Hrafna Hanna fær titilinn Idolstjarna Íslands 2009 og tvær milljónir króna í peningaverðlaun.

Stúlkurnar sungu þrjú lög í kvöld, eitt að eigin vali, annað sem Páll Óskar og Örlygur Smári sömdu sérstaklega fyrir kvöldið og hið þriðja sem dómnefndin valdi fyrir þær.  Dómnefndina skipuðu Jón Ólafsson, Selma Björnsdóttir og Björn Jörundur Friðbjörnsson.

mbl.is

Bloggað um fréttina