Cohen gekk fram af Eminem
Setja bókamerki
Rapparinn Eminem rauk út af sviðinu á MTV kvikmyndahátíðinni í gærkvöldi eftir að Sacha Baron Cohen, í hlutverki Bruno, þrýsti berum rassi sínum í andlit hans. Mátti sjá Eminem bölva hressilega á leið sinni af sviðinu.
Atvikið varð eftir að persónan Bruno, samkynhneigður fatahönnuður frá Austurríki, sveif niður á svið Gibson leikhússins í Universal Cityí Kaliforníu klæddur englavængjum, háum stígvélum og pungbindi. Hann vafði fótunum um höfuð Eminem og sagði : „Ætlar hinn raunverulegi Slim Shady að standa upp?”
Aðstoðarmenn Eminems komu honum til hjálpar og þvínæst strunsaði hann af sviðinu og yfirgaf síðan bygginguna. Fyrir atvikið hafði Eminem flutt lög sín ‘WeMade You’ og ‘Crack A Bottle’ af nýjustu plötu sinni ‘Relapse’.
Sigurvegari hátíðarinnar var táningamyndin ‘Twilight’ sem hlaut fimm verðlaun, þeirra á meðal verðlaun sem besta myndin. Þá var aðalleikari hennar Robert Pattinson valinn besta nýja stjarnan og mótleikkona hans Kristen Stewart valin besta leikkonan.
Ashley Tisdale var valin besta nýja kvenstjarnan fyrir hlutverk sitt í myndinni ‘High School Musical 3: Senior Year’ og mótleikarin hennar Zac Efron var valinn besti karlleikarinn.
Eldgosinu lokið en getum búist við öðru
Kristrún og Bjarni tókust hart á um efnahagsmálin
Magnús Tumi: Gýs líklega á næstu dögum
Skuldahalinn lengist í Reykjavík
„Gleymum því ekki að okkar vali fylgir ábyrgð“
Var sofandi þegar slökkvilið bar að garði
Fylgi Höllu hrundi eftir kappræðurnar