Örvæntingarfull Lohan

Hasarinn er aftur byrjaður á milli Lindsay Lohan og Samönthu Ronson. Lohan elti fyrrverandi unnustu sína á milli klúbba í London á miðvikudaginn og reyndi mjög örvæntingarfull að tala við hana um framtíð þeirra saman.

Ballið byrjaði á Bloomsbury Ballroom þar sem Samantha var með útgefandanum sínum að horfa á tónlistarmann. Þegar Lohan mætti á staðinn tóku þau leigubíl á annan klúbb, Bungalow 8. Þau höfðu verið þar skemur en tuttugu mínútur þegar Lohan hringdi í Ronson og sagðist vera á leiðinni til að fá sér drykk með þeim. Þá kölluðu þau aftur á leigubíl og Ronson fór heim á hótelið sitt. Stuttu síðar mætti Lohan þangað og var að lokum hleypt inn í herbergi Ronson um miðja nótt.

Heimildarmaður sagði Daily Mirror að ekkert gæti haldið Lohan í burtu frá Ronson. Þær eyddu nokkrum klukkustundum saman á herberginu, Lohan yfirgaf það síðan með bros á vör og virtist hafa notið tímans með Ronson.