Munnvatn fagurra stúlkna til sölu

Kínverskur uppboðsvefur hefur bannað notanda í kjölfar þess að hann setti á uppboð munnvatn í flöskum sem hann sagði vera úr fallegum stúlkum.

Seljandinn sagði að munnvatnið væri drykkur og vildi fá andvirði tveggja punda fyrir litla flösku, segir á vefnum Hunan Online. Seljandinn birti myndir af fallegum 18 ára stúlkum sem áttu að hafa látið munnvatnið af hendi.

Uppboðsvefurinn, Taobao.com, lokaði hins vegar fyrir söluna eftir fjölmargar kvartanir frá notendum.

Seljandinn, Zhou, sagði að hann hefði aðeins haft í huga að kanna áhuga fyrir hugmyndum sínum.

Zhou hefur nú í huga að setja slef stúlknanna á markað í staðinn en viðurkennir að hann hafi hvorki selt neina flösku af því né mannvatningu.

„Slefinu var öllu safnað frá sofandi 18 ára stúlkum,“ segir Zhou, „og kaupendum býðst að greiða fyrir vöruna síðar, eftir að þeir hafa gengið úr skugga um uppruna hennar.“

• 2 blogg um fréttina

Bloggað um fréttina

• Axel Jóhann Hallgrímsson: Kemur munnvatn til bjargar?
• Ólöf Ingibjörg Davíðsdóttir: Naflaló til sölu