Gleymdi að taka pilluna

Bandaríska samkvæmisljónið, fyrirsætan og raunveruleikaþáttarstjarnan Kourtney Kardashian er ólétt, og er ástæða þess sú að hún gleymdi að taka pilluna. Faðir barnsins er fyrrverandi unnusti hennar, Scott Disick, en fregnir herma að þau sé byrjuð saman að nýju.

„Það hljómar örugglega eins og ég sé voðalega vitlaus, en ég gleymi bara svo oft að taka pilluna og mér finnst alltaf eins og það muni ekki skipta neinu máli,“ segir Kardashian sem uppgötvaði að hún væri ólétt þegar henni varð flökurt í fríi sem hún fór í til Flórída.