Fær að syngja í kórnum

Magnús Hlynur Hreiðarsson, fréttamaður á Selfossi, fagnaði 40 ára afmæli fyrir helgi. Hann fékk frekar óvenjulega afmælisgjöf frá konunni sinni. Magnús Hlynur er athafnasamur maður og hefur áhuga á mörgu; raunar svo mörgu að Önnu Margréti Magnúsdóttur, konunni hans, hefur þótt nóg um. Magnús Hlynur hefur í 10 ár sýnt því áhuga að ganga í Karlakór Selfoss. Anna Margrét hefur hins vegar staðið gegn því að hann bætti þessu áhugamáli á dagskrána. Á afmælisdaginn afhenti Anna Margrét manni sínum bréf um að hann mætti ganga í kórinn.