Justin Bieber fyrir eldri konur

Kanadíska táningsstjarnan Justin Bieber viðurkenndi nýverið hrifningu sína á raunveruleikaþáttastjörnunni Kim Kardashian. Bieber sem er þrettán árum yngri sagðist til í ástarsamband með allt að fertugum konum, svo lengi sem þær hafi góða kímnigáfu.

Bieber sem er sextán ára sagðist í viðtali við slúðurvefinn ShowbizSpy einnig vera hrifinn af Meagan Good og Beyoncé. „Ef þær eru komnar yfir fertugt eru þær aðeins of gamlar fyrir mig. Annars lít ég við hverri sem er svo lengi sem hún er skemmtileg, með falleg augu og flott bros.“

Nýverið bárust svo fregnir af því að Bieber, sem er söngvari, væri loks kominn í mútur. „Hún brestur líkt og hjá öllum strákum á mínum aldri. Ég er að reyna að venjast því, sem betur fer er ég með besta söngkennara í heimi. Ég næ ekki sömu háu tónunum svo ég syng í lægri tóntegund en áður.“

Kannski er ekki að undra, að táningurinn Justin Bieber sé skotinn í Kim Kardashian. MARIO ANZUONI

• 1 blogg um fréttina

Bloggað um fréttina

• Frikkinn: Hormónar að drepa strákgreyið