Ljósanótt sett í dag

Ljósanótt í Reykjanesbæ verður sett í 11. sinn við Myllubakkaskóla í dag klukkan 10:30  þegar nemendur í leik- og grunnskólum sleppa 2000 blöðrum til himins.  Nemendur koma til athafnarinnar í skrúðgöngu þar sem þeir flagga litum skólanna, fánum og trommuslætti.

Gítarsveit nemenda Gítar Myllos stjórnar fjöldasöng sem endar á fyrsta ljósalaginu Velkomin á Ljósanótt og Árni Sigfússon bæjarstjóri setur hátíðina.

Framundan er fjölbreytt dagskrá sem stendur yfir í fjóra daga eða til sunnudagsins 5. september.

Fetað til framtíðar í fjörunni er stígvélaverkefni leikskólans Holts sem hægt verður að skoða á Ljósanótt.  Þar verða sýnd listaverk unnin af nemendum leikskólans þar sem stígvél eru í aðalhlutverki.

Í dag verður hægt að finna barnastígvél meðfram fjörugarðinum fyrir neðan tjarnirnar í Innri Njarðvík sem mynda listaverk þar sem börnin tjá hugmyndir sínar um fjöruna í máli og myndum. 

Föngum á Litla-Hrauni hefur í nokkurn tíma staðið til boða að vinna við fjölbreytta iðju með það í huga að listsköpunin geti haft jákvæð og bætandi áhrif á þá. Til stuðnings þessu uppbyggingarstarfi var ákveðið að sýna og selja margvíslegar afurðir fanganna á Ljósanótt í Reykjanesbæ í Gömlu búð við Duustorg. 

Dagskrá Ljósanætur

Verk fanga á Litla-Hrauni

Í dag verður hægt að finna barnastígvél meðfram fjörugarðinum fyrir neðan tjarnirnar í Innri Njarðvík

• 1 blogg um fréttina

Bloggað um fréttina

• Axel Jóhann Hallgrímsson: Lán fyrir Ljósanótt