Rihanna í vandræðum á strippstað

Söngkonan Rihanna er enn í London vegna tónleikaferðalags síns Loud og heldur áfram að valda usla. Rihanna heimsótti strippstað síðastliðinn miðvikudag ásamt fyrrverandi kærasta sínum, Matt Kemp, og kom sér í vandræði með því að vera sífellt að snerta dansarana. 

Rihanna, sem hefur verið mikið í sviðsljósinu nýlega vegna ögrandi framkomu, reitti öryggisverði staðarins til reiði. Þeir voru síður en svo sáttir við hegðun Rihönnu þar sem hún gat ekki haft hendurnar af dönsurunum og setti meira að segja höfuðið á milli fóta einnar þeirra. 

Heimildamaður sagði tímaritinu The Sun að Rihanna gæti ekki staðist þá freistingu að kaupa sér einkadans og líkaði vel að fylgjast með stelpunum að verki. Öryggisverðirnir voru ekki ánægðir því hún snerti dansarana trekk í trekk og hunsaði þar með allar þeirra viðvaranir. Þá hefði hún, eins og fyrr segir, þrýst höfðinu milli fóta eins dansarans.

• 1 blogg um fréttina

Bloggað um fréttina

• Guðmundur Júlíusson: Rihanna í vandræðum á strippstað