Löðrungaði rússneskan blaðamann

Will Smith sér ekki eftir því að hafa löðrungað rússneskan blaðamann um síðustu helgi. Leikarinn var staddur í Moskvu við frumsýningu á nýjustu mynd sinni, Men in Black III, þegar maðurinn vatt sér skyndilega að honum og gerði sig líklegan til að kyssa hann á munninn.

Smith var að sögn illa brugðið og snerist til varnar með því að slá manninn utan undir.„Ég lamdi ekki manninn,“ sagði Smith sem var gestur í spjallþætti Davids Lettermans.

„Ég var í miðju viðtali vegna frumsýningar myndarinnar þegar fréttamaðurinn sagði allt í einu við mig: Ég er einlægur aðdáandi þinn, ertu til í að faðma mig? Mér fannst þetta skondið og faðmaði manninn en þá notaði hann tækifærið og reyndi að kyssa mig, þetta var vægast sagt mjög óþægilegt.“

Leikarinn frétti eftir atvikið að blaðamaðurinn væri þekktur fyrir óvæntar, vandræðalegar uppákomur í viðtölum við fræga einstaklinga, sem gengju út á það að koma þeim í opna skjöldu og vekja eftirtekt. 

  • Til baka
  • Blogga um frétt
  • Senda