Leikarinn Tom Cruise fer fögrum orðum um náttúru Íslands og sumarbirtu í stuttu myndbandi um gerð kvikmyndarinnar Oblivion sem sett hefur verið á netið. Kvikmyndin var tekin að hluta til hér á landi í fyrrasumar og var heimsfrumsýnd 26. mars sl. í Buenos Aires í Argentínu. Cruise segir m.a. að hann hafi hlakkað mikið til að fara til Íslands og af myndbandinu að dæma stóð landið undir væntingum, Cruise er augljóslega heillaður af sumarbirtunni og landslaginu.
Leikstjóri myndarinnar, Joeseph Kosinski, fer einnig fögrum orðum um landslagið og sumarbirtuna sem hann segir henta einkar vel til kvikmyndagerðar. Kosinski segir í myndbandinu að landslagið í norðausturhluta landsins, þar sem tökur fóru fram, sé engu öðru líkt hér á jörð og hlýtur það að teljast ágætis landkynning.
<iframe height="0px" src="http://static.scanscout.com/optout/iframe.html?http://www.mbl.is/mm/siddi/news/write2.html?news_id=1751454" style="visibility: hidden;" width="0px"></iframe> <iframe height="0px" src="http://static.scanscout.com/optout/iframe.html?http://www.mbl.is/mm/siddi/news/write2.html?news_id=1751454" style="visibility: hidden;" width="0px"></iframe>