Gomez vill að Bieber fari í meðferð
Setja bókamerki
Selena Gomez, fyrrverandi kærasta söngvarans Justins Biebers, hefur sett honum úrslitakosti: „Annað hvort ferðu í meðferð eða missir mig að eilífu.“ Þetta er haft eftir heimildarmanni í frétt Hollywoodlife.com en þar er þó tekið fram að hvað sem Bieber ákveði að gera, muni hún styðja hann - en þó hugsanlega aðeins úr fjarlægð.
Í fréttinni er því haldið fram að Gomez hafi rætt við Bieber eftir að hann var handtekinn vegna gruns um ölvun við akstur í síðustu viku. Í því símtali hafi hún sett honum úrslitakosti.
En svo virðist sem Bieber hafi þegar gert upp hug sinn. Hann er í það minnsta ekki í meðferð í augnablikinu heldur á sólarströnd í Panama með vinum sínum. Meðal þeirra sem eru með í för er fyrirsætan Chantel Jeffries en hún er sögð hafa setið í farþegasæti bílsins hjá söngvaranum þegar hann var handtekinn fyrir meintan ölvunarakstur í síðustu viku.
„Staðan er grafalvarleg“
Quang Le: „Ég gerði ekkert rangt“
Enn langt í að rannsókn málsins ljúki
Átta til tólf erlendir glæpahópar
97 aðgerðir hafa neikvæð áhrif
Sýklalyfjaónæmi vaxandi vandamál
Hefði ekki lagst gegn samþykkt sáttmálans