Hópur Íslendinga streymir nú til Kaupmannahafnar til að vera viðstaddir Söngvakeppni Evrópskra sjónvarpsstöðva sem fer þar fram í næstu viku.
Um þrjátíu íslenskir áhugamenn um Eurovision munu líklega ekki týnast í mannhafinu í kringum keppnina því þeir verða rækilega merktir í litríkum Pollapönksgöllum.

FÁSES - Félag áhugafólks um söngvakeppni evrópskra sjónvarpsstöðva á Íslandi stóð fyrir því að láta sauma Pollapönksgalla á fullorðna hjá Henson og fengu um þrjátíu sér slíkan galla. Talið er að yfir hundrað Íslendingar verði á keppninni. Sextíu keyptu sér aðdáendapakka á keppnina í gegnum FÁSES, inn í honum eru miðar á öll keppniskvöldin og dómararennslin. Þá keyptu nokkrir almennan miða en um áttatíu manns eru í hópi á Facebook sem er að fara út til Danmerkur á keppnina. Eyrún Valsdóttir formaður FÁSES giskar þó á að rúmlega hundrað Íslendingar verði á keppninni enda alltaf ákveðinn fjöldi sem fer á eigin vegum.

Sex FÁSES-meðlimir sýndu lit og hittu blaðamann Morgunblaðsins rétt áður en þeir héldu af landi brott í lok vikunnar. Þeir voru allir sammála um að framlag Íslands í keppninni í ár komist pottþétt áfram.

Meira má lesa um Eurovisionaðdáendurnar litskrúðugu í Morgunblaðinu á morgun.

Tengdar fréttir

Eurovision

EBU megi fara til fjandans

• Dulin skilaboð frá portúgalska keppandanum
• Hollendingurinn mætti í eftirpartíið
• Þátttakan tileinkuð gíslunum
• Ísland lenti í síðasta sæti

» Fleiri tengdar fréttir

• Blogga um frétt