Eitt af dagblöðum Ruperts Murdochs í Ástralíu, birti í dag mynd af berum botni Kate hertogaynju af Cambridge en í gær birti þýska blaðið Bild myndina.
Myndin er tekin í heimsókn hertogaynjunnar og eiginmanns hennar, Vilhjálms Bretaprins, til Ástralíu í síðasta mánuði en vindhviða hafði feykt kjól hennar upp. Ekki sést hvort hún er brókarlaus eða einfaldlega í G-streng en að minnsta kosti sjást rasskinnar hennar á myndinni. Hingað til hafa breskir fjölmiðlar ekki viljað sýna mydnina en ritstjóri Sydney Daily Telegraph var greinilega á öðru máli.
Í Bild í gær er tekið fram að hertogaynjan sé með fallegan rass í myndatexta.
Myndin er tekin í Blue Montains þar sem Kate og Vilhjálmur eru að stíga út úr þyrlu og vindhviða feykir bláa og hvíta kjólnum hennar upp.
Samkvæmt Daily Telegraph neituðu bresku dagblöðin að birta myndina í virðingarskyni við konungsfjölskylduna.