Catherine Zeta-Jones var miður sín þegar hún heyrði sjúkdómsgreiningu mannsins síns, að því er Telegraph greinir frá.
Eftir að Michael Douglas greindist með krabbamein í hálsi árið 2010 fór allt á hliðina hjá eiginkonu hans. Fyrir þann tíma hafði hann þrisvar verið rangt sjúkdómsgreindur.
Douglas er 69 ára og á tvö börn með Zeta-Jones; þau Carys, ellefu ára, og Dylan, tólf ára.
Douglas hefur nú verið laus við krabbameinið síðan í janúar 2011 og segist mjög heppinn að vera á lífi. Hins vegar viðurkennir Catherine Zeta-Jones að hafa átt erfiða tíma eftir sjúkdómsgreininguna.
Leikaraparið hætti saman í stuttan tíma í fyrra en náði aftur saman stuttu seinna.