Segir Blake Lively feimna

Mörthu Stewart þykir það heimskulegt af Blake Lively að stofna lífsstílsblogg, að því er Huffington Post greinir frá.

Stewart segir að Lively ætti að einbeita sér að því að leika í stað þess að reyna að verða eins og Martha Stewart en leikkonan stendur þessa dagana í því að búa til lífsstílsblogg sem hún nefndi Preserve.

Fyrrverandi þáttastjórnandinn hjálpaði Lively og Ryan Reynolds að skipuleggja brúðkaup sitt sem fór fram árið 2012 en áður en hún kom til hjálpar var skipulagið í molum, að hennar sögn.

Lively og Stewart urðu ágætar vinkonur þegar Lively og Reynolds fluttu í sama hverfi og Stewart í New York.

Stewart segir það hafa komið sér á óvart hversu feimin Blake Lively er í rauninni en hún sé ekki eins feimin að sjá á hvíta tjaldinu.

• Blogga um frétt