Kærði lyfjafyrirtæki

Katherine Heigl hætti við að kæra lyfjafyrirtækið Duane Reade eftir að það birti myndir á samfélagsmiðlum af henni með poka frá fyrirtækinu þeirra.

Að því er New York Post greinir frá kærði leikkonan lyfjafyrirtækið fyrir að auglýsa fyrirtækið með því að birta myndir af henni á Twitter og Facebook þar sem hún hélt á pokum frá fyrirtækinu en fyrirtækið birti myndirnar án hennar leyfis.

Hin 35 ára leikkona sættist á það að fyrirtækið gæfi til góðgerðarstarfsemi sem hún og móðir hennar komu á fót eftir að bróðir hennar, Jason Debus Heigl, lést í bílslysi árið 1986.

Góðgerðarstarfsemin snýst um velferð dýra og í stað þess að kæra lyfjafyrirtækið um sex milljónir bandaríkjadollara, sem nemur nær 700 milljónum íslenskra króna, sættir leikkonan sig við fjárframlög frá lyfjafyrirtækinu.

Ekki kemur fram hver fjárhæðin er sem lyfjafyrirtækið gefur til góðgerðarstarfseminnar en bæði lyfjafyrirtækið og leikkonan sömdu um að upphæðin yrði trúnaðarmál.

• Blogga um frétt