Ofurfyrirsætan Cara Delevingne mun leika hlutverk í framhaldsmynd af kvikmyndinni Zoolander, að því er dagblaðið The Sun greinir frá.
Cara Delevingne lék sitt fyrsta leikhlutverk í kvikmyndinni Anna Karenina en mun næst fara með hlutverk í Zoolander 2.
Hin 22 ára fyrirsæta hefur verið í viðræðum við Ben Stiller um hlutverkið. Ásamt henni mun vinkona hennar, fyrirsætan Suki Waterhouse, leika hlutverk í kvikmyndinni.
Suki Waterhouse er kærasta Bradley Cooper en einnig er talið að hann muni fá hlutverk í kvikmyndinni.
Þrátt fyrir að hafa hafið feril sinn sem fyrirsæta reynir Cara Delevingne fyrir sér í leiklistinni en hún er stendur meðal annars í tökum á kivkmyndinni Pan sem fjallar um Pétur Pan ásamt því að leika aðalhlutverk í kvikmyndunum Kids in Love, Tulip Fever, The Face of an Angel og London Fields.