Nýr rússíbani sem byggir á teiknimyndinni vinsælu Frozen verður opnaður í Disney á næstunni. Rússíbaninn verður í svokölluðu Noregs-hverfi í Epcot Disney garðinum í Orlando á Florida.
Tækinu Maelstrom verður skipt út fyrir rússíbanann en það var opnað árið 1988. Því verður lokað þann 5. október nk.
Framkvæmdastjóri Walt Disney garðanna segir að gestir muni ferðast til Arendelle þar sem systurnar Elsa og Anna búa og upplifa öll bestu augnablik ævintýrisins. Þá verður hægt að hitta Önnu og Elsu „í eigin persónu“ þar fyrir utan.
Þá greindi hann frá því að persónurnar úr Frozen yrðu í stærri hlutverki í garðinum um jólin og frá og með byrjun nóvembermánaðar muni ísdrottningin Elsa, beita töfrum sínum og frysta kastalann í Magic Kingdom garðinum á hverju kvöldi. Þá munu þau öll leika lykilhlutverk í jólaskrúðgöngunni.
E! greinir frá þessu.