Undanfarið hefur leikkonan og dýraverndunarsinninn Olivia Munn beitt sér í von um að gömlum sirkusfíl verði bjargað þar sem hann er notaður í umdeilda sirkussýningu.
Munn vinnur að björgun fílsins ásamt Peta-samtökunum en fíllinn, sem heitir Nosey, virðist vera kominn með liðagigt og þjást sökum þess. Þrátt fyrir veikindi fílsins hefur hann verið neyddur til að taka áfram þátt í sirkussýningum.
Munn vill koma fílnum fyrir í sérstöku athvarfi og láta banna sirkusinn fyrir slæma meðferð á dýrum. „Ég sem dýravinur er hissa á að bandarísku landbúnaðarsamtökin leyfi þessari misnotkun á dýri að eiga sér stað,“ sagði Munn meðal annars og hvatti stjórnmálamanninn Tom Vilsack til að beita sér í málinu.
„Fílum er ekki ætlað að vera hlekkjaðir niður og að ganga í endalausa hringi með kerrur á bakinu. Þetta hefur einkennt líf Noseys,“ sagði Munn og lýsti svo slæmu ásigkomulagi fílsins.