Nýjasta skáldsaga Arnaldar Indriðasonar, Kamp Knox, kemur út á morgun, 1. nóvember. Þetta er átjánda bók Arnaldar, en skáldsögur rithöfundarins hafa notið mikilla vinsælda undanfarin 15 ár.
Flestar sögur Arnaldar fjalla um glæparannsóknir lögreglumanna sem starfa á lögreglustöðinni við Hverfisgötu í Reykjavík. Þar fer Erlendur Sveinsson fremstur í flokki.
Sagan gerist árið 1979 þegar Erlendur er nýlega byrjaður í rannsóknarlögreglunni. Gömul mál sem flestir hafa gleymt láta hann ekki friði.
Bækur Arnaldar eru lesnar úti í hinum stóra heimi þar sem þær fá góðar viðtökur. Bækur hans hafa verið þýddar á um fjörutíu tungumál og hafa selst í yfir tíu milljónum eintaka. Þá hefur hann hlotið fjölmörg verðlaun, m.a. spænsku bókmenntaverðlaunin Premio RBA de Novela Negra. Verðlaunin hlaut hann fyrir seinustu bók sína, Skuggasund.