Segir Cosby hafa misnotað sig
Setja bókamerki
Leikkonan Louisa Moritz, sem er þekkt fyrir hlutverk sitt í kvikmyndinni One Flew Over The Cuckoo's Nest, hefur nú bæst í hóp þeirra kvenna sem saka leikarann Bill Cosby um að hafa beitt sig kynferðislegu ofbeldi.
Fimm konur hafa á undanförnum vikum sakað Cosby um kynferðislegt ofbeldi en það virðist hafa leitt til þess að Moritz ákvað að greina frá raunum sínum.
Moritz, sem er 68 ára í dag, opnaði sig um málið í viðtali við TMZ. Hún segir leikarann hafa misnotað sig árið 1971 í búningsherbergi áður en hún kom fram í spjallþætti Johnnys Carsons. Hún lýsti því þá hvernig Cosby stakk getnaðarlim sínum upp í munn hennar og hótaði henni.
Moritz hefur aldrei talað um misnotkunina fyrr en núna en hún hyggst leggja fram kæru þrátt fyrir að Cosby verði eflaust sýknaður af ákærunni á grundvelli fyrningar.
Lögmaður Cosbys heldur því statt og stöðugt fram að Cosby sé saklaus.
„Verða bara eins og „zombíar““
97 aðgerðir hafa neikvæð áhrif
Vaxtahækkanir flýti fyrir því að þenslan minnki
Hefði ekki lagst gegn samþykkt sáttmálans
„Staðan er grafalvarleg“
„Við erum ekki hafin yfir gagnrýni“